Карло Анчелоттининг "Реал"ни тарк этиши ҳақида хабарлар тарқалмоқда.
Бир неча кун аввал Мадрид клуби раҳбарлари италиялик мураббийнинг “Барселона”га қарши кубок ўйинида (0:1) танлаган тактикасидан ҳафсаласи пир бўлгани ҳақида маълумот пайдо бўлган эди.
Кейин "Бетис"га қарши чемпионат ўйини бўлиб ўтди ва "қаймоқранглилар" дуранг (0:0) ўйнади. Маълумотларга кўра, финал ҳуштаги янграгач, “Реал” президенти Флорентино Перес Карло Анчелотти билан узоқ вақт суҳбатлашган.
Айни пайтда журналист Родриго Фаез ижтимоий тармоқларда Карло Анчелотти учун март ойи муҳим бўлишини хабар қилмоқда. "Реал"нинг ушбу ойдаги натижалари италиялик мутахассиснинг келажагини белгилаб беради. Очиғи, агар натижалар ёмон бўлса, Анчелотти ишдан бўшатилади.
