Халқаро футбол ассоциацияси кенгаши келаси ҳафта охирида Лондонда йиғилади. Давра суҳбатида ўйинларнинг аниқ вақти, янги офсайд қоидаси ва илгари муҳокама қилинмаган бошқа янгиликлар муҳокама қилиниши кутилмоқда. 2023/2024 йилги мавсумдан бошлаб футболда нималар ўзгариши мумкин.
2023/2024 йилги мавсумдан футболдаги янги қоидалар қандай бўлади?
Marca нашри хабарига кўра, кейинги мавсумдан кучга кирадиган қоидалардан баъзи қоидалар қуйидагилардан иборат.
- Тўртинчи ҳакам майдонда ҳар доим капитан боғичини таққан ўйинчи бўлишини таъминлаш учун жавобгар бўлади. Кўпинча ўйин давомида сардор алмаштирилган бўлса ва у боғични ўзи билан олиб чиқиб кетган ҳолатлар учраган. Энди бунга йўл қўйилмайди.
Гол нишонлаш қўшиб берилган вақтининг бир қисми бўлади. Бир дақиқа ёки бир ярим дақиқадан кўпроқ вақт давомида урилган голни нишонлаш мумкин бўлмайди.
- Эмилиано Мартинесга албатта таъсир қиладиган қоида бор. Дарвозабонга пеналти тепувчини чалғитишига йўл қўйилмайди. Мисол учун, устунлар, тўсин ва тўрга тегиш мумкин бўлмайди.
- Ҳакамнинг рухсатисиз майдонни тарк этган ҳимояланотган жамоа ўйинчиси дарвоза чизиғида бўлган деб ҳисобланади. Ҳужумдаги футболчига келсак, у фаол зонада қатнашмаслик учун майдонни тарк этиши ёки майдондан ташқарида қолиши мумкин.
- Йиғилишнинг асосий мавзулари, албатта, ўйинларнинг тоза вақтга ўтиш ва Арсен Венгернинг офсайд қоидаси ҳақида бўлади.
"Арсенал"нинг собиқ бош мураббийи ва ҳозирда ФИФАнинг футболни ривожлантириш бўйича директори ҳужумчиларга ҳимоячилардан устунлик берадиган ўзгаришни таклиф қилмоқда.
ФИФА ва Жанни Инфантино мухлисларга яна қандай янгилик тайёрлаган экан?
