Туриннинг “Ювентус” клуби ва Польша терма жамоаси дарвозабони Войцех Шесни фаолиятини Англияда давом эттириши мумкин.

Журналист Жон Албанезенинг хабар беришича, “Тоттенхэм” директори Фабио Паратичи дарвозабоннинг “шпорлар”га ўтишини истайди. Шесни эса ҳеч қаерга кўчиб ўтишни режалаштирмайди ва "Ювентус"да қолишни афзал кўради. Қайд этилишича, Войцех келажакда профессионал фаолиятини якунлаш учун АҚШга кўчиб ўтиши мумкин.

Эслатиб ўтамиз, польшалик дарвозабон 2017 йилдан бери "Ювентус"да ўйнаб келмоқда. Transfermarkt портали унинг нархини 13 миллион еврога баҳоламоқда.