Дортмунднинг «Боруссия» клуби бош мураббийи Эдин Терзич Чемпионлар лигаси 1/8 финалида Лондоннинг «Челси» жамоасига қарши бўлиб ўтадиган ўйин ҳақида гапирди.
«Жамоаларнинг формаси муҳим роль ўйнайди. Бу ҳал қилувчи баҳс ва бизда бироз устунлик бор. Биз рақибни яхши ўргандик, унинг қандай хусусиятлари борлигини биламиз.
Сўнгги бир неча ҳафта ичида «Челси» гол уришга лойиқ бўлган жойда гол ура олмади. Улар трансфер бозорида жуда фаол эдилар ва янги келганларни интеграция қилишга улгурмадилар, бу бир неча ҳафта давом этди.
Бизда Европанинг кучли саккиз жамоаси орасига кириш имконияти бор», — деди Терзич. Бугун «Челси» - «Боруссия Дортмунд» учрашуви бўлиб ўтади.
