Шу йилнинг 20 июль — 5 август кунлари Саудия Арабистонида Қирол Салмон кубоги деб номланган мусобақа бўлиб ўтади. Унда араб мамлакатлари чемпионлари иштирок этади. Бу ҳақда "Футболиум" телеграм канали хабар тақатди.

Саудия Арабистони чемпионати ўтган йилги мавсумида чемпионликни "Ал-Ҳилол" қўлга киритган бўлса-да, "Ан-Наср" клуби ушбу мусобақа иштирок этиши ҳозирданоқ маълум бўлди (Роналду туфайли). Саудия чемпионатининг 19-туридан сўнг "Ан-Наср" 46 очко билан пешқадам бўлиб турибди. Жамоа 2-ўриндаги "Ал-Иттиҳод"дан 2 очко олдинда бормоқда.

Мусобақанинг гуруҳ босқичида иштирок этадиган 16 жамоадан 10таси ҳозирдан маълум:

"Ража" (Марокаш) —  аввалги мусобақа ғолиби;
"Ал-Иттиҳод" (Саудия Арабистони) — аввалги мусобақа финалчиси;
"Ан-Наср" (Саудия Арабистони) — махсус меҳмон;
"Белузидад" — Жазоир чемпиони
"Замалек" — Миср чемпиони
"Аш-Шорта" — Ироқ чемпиони
"Видад" — Марокаш чемпиони
"Ас-Садд" — Қатар чемпиони
"Ал-Ҳилол — Саудия Арабистони чемпиони
"Эсперанс" — Тунис чемпиони

Гуруҳ босқичида иштирок этадиган яна 6 жамоанинг номи саралаш босқичи ёрдамида аниқланади. Уч босқичдан иборат саралашда эса 39та клуб қатнашади.