«Манчестер Юнайтед» раҳбарияти АПЛнинг 26-тури доирасидаги «Ливерпуль» билан ўйин якунланганидан кейин ярим ҳимоячи Бруно Фернандешнинг хатти-ҳаракатидан норози бўлди.

«Қизил иблислар» «Энфильд»да 0:7 ҳисобида шармандали мағлубиятга учради.

Фернандеш финал ҳуштагидан кейин мураббийлар штаби ва футболчилар ёнига яқинлашмагани учун танқид қилинди.

Шунингдек, клуб футболчининг ўйин давомидаги хатти-ҳаракатларидан норози. Учрашув давомида португалиялик бош ҳакамни туртиб юборди. Шу сабабли мураббий Брунодан сардорлик боғичини олиб ташлаши ҳам мумкин эди.

Фернандеш жорий мавсумда АПЛда 24 та ўйинда майдонга тушиб, 5 та гол урди ва 6 та голли узатмани амалга оширди.