"Блэкпул" клуби мухлиси Тони Жонсон бошқа клуб мухлислари билан муштлашиб вафот этди. Бу ҳақда Daily Mail нашри хабар бермоқда.

Манбага кўра, 55 ёшли эркак Манчестердаги пабда "Блэкпул" ва "Бёрнли" (0:0) учрашувини томоша қилган, шундан сўнг 15 киши иштирокида муштлашув бошланган. Тўқнашув натижасида Жонсон кўплаб жароҳатлар олди ва шифохонада вафот этди. Политцсия 33 ёшли гумонланувчини ҳибсга олди, бироқ у июнь ойигача гаров эвазига қўйиб юборилди ва тергов натижаларини кутади.

"Блэкпул" футбол клуби бизнинг мухлисимиз Тони Жонсоннинг фожиали ўлими ҳақида хабар олганидан қаттиқ ҳайратда ва қайғуда. Бизнинг барча фикрларимиз унинг оиласи ва дўстларига қаратилган", - дейилади клуб баёнотида.