Эквадор терма жамоаси футболчиси Мойзес Кайседо "Брайтон" билан шартномасини 2027 йилгача узайтирди.
21 ёшли ярим ҳимоячи билан шартнома автоматик тарзда яна бир йилга узайтирилиши мумкин.
Жамоа бош мураббийи Роберто Де Дзерби Кайседо билан шартнома узайтирилганидан жуда хурсанд эканлигини айтди.
Қишки трансфер ойнасида "Брайтон" футболчининг трансфери учун камида 100 миллион фунт олиш умидида "Челси" (55 миллион фунт) ва "Арсенал" (70 миллион фунт)нинг Кайседо бўйича таклифларини рад этди.
Жорий мавсумда Кайседо "Брайтон" сафида Премьер-лигада 22 та ўйинда майдонга тушиб, 1 та гол ва кубокларда 4 та ўйинда майдонга тушди.
