"Реал" вингери Эден Азар келаси мавсумда ҳам жамоада бўлиши мумкин.
Журналист Фабрицио Романонинг фикрича, агар “Қироллик клуби” бош мураббийи Карло Анчелотти истеъфога чиқарса ва унинг ўрнига янги мутахассис келиб, Азарга яна бир имконият берадиган бўлса, бу сценарий рўй бериши мумкин.
Бироқ, манбага кўра, айни дамда "Реал" раҳбарияти келаси ёзда Эдендан қутулишни режалаштирмоқда. Июль ойида футболчининг "қаймоқранглилар" билан шартномаси тугашига атиги бир йил вақт қолади.
Азар "Реал Мадрид" тарихидаги энг қиммат футболчи бўлиб қолмоқда. Бельгиялик футболчи жамоага 2019 йилда "Челси"дан 115 миллион евро эвазига келганди.
