"Рома"нинг собиқ устози Луис Энрике яқин келажакда "Милан" бош мураббийи бўлади. La Gazette Dello Sport хабарига кўра, агар бу мавсум якунида Стефано Пиоли кетса, испаниялик мутахассис "Сан-Сиро"даги мураббийлик курсисини эгаллаши мумкин.
Эслатиб ўтамиз, Энрике "Милан"нинг ҳозирги футбол директори Фредерик Массара билан яхши таниш, у билан "Рома"да бирга ишлаган. Луис "Милан"даги собиқ ҳамкасби билан қайтадан учрашишдан манфаатдор бўлиши мумкин.
Энрике аввалроқ Испания терма жамоаси бош мураббийи лавозимини тарк этган эди. Аввалроқ мутахассис хизматларига "Атлетико Мадрид" ҳам қизиқиш билдираётгани ҳақида хабарлар чиққанди.
