"ПСЖ" ҳужумчиси Неймар келажакдаги режалари ҳақида бир қарорга келди. L'Equipe хабарига кўра, бразилиялик вингер Франция пойтахтида ҳамма нарсадан қониқиш ҳосил қилади ва шу боис у жамоани тарк этишни режалаштирмаяпти.
Шу билан бирга, парижликлар раҳбарияти жанубий америкалик юлдузни сотиш ҳақида ўйлаётгани аввалроқ хабар қилинганди. Неймарнинг амалдаги клуби билан шартномаси 2025 йилнинг ўрталарига қадар мўлжалланган.
Олдинроқ ҳужумчи тўпиғидан олган жароҳати сабаб мавсумнинг қолган қисмини ўтказиб юбориши маълум бўлганди.
Жорий мавсумда бразилиялик футболчи "ПСЖ" сафида барча мусобақалар доирасида 29 та ўйинда майдонга тушиб, 18 та гол ва 16 та голли узатмани амалга оширган.
