"Ньюкасл" "Челси" ярим ҳимоячиси Мэйсон Маунтни сотиб олиш учун "Ливерпуль"га қарши курашмоқчи.
Маунтнинг Лондон клуби билан шартномаси 2024 йилнинг ёзида тугайди ва янги шартнома бўйича музокаралар тўхтаб қолган, шунинг учун "кўклар" футболчини кейинги ёзда сотишга тайёр. Аввалроқ, 24 ёшли футболчининг трансферига "Ливерпуль" бош мураббийи Юрген Клоппнинг шахсан ўзи қизиқаётгани хабар қилинганди.
TalkSport хабарига кўра, "Ньюкасл" бош мураббийи Эдди Хау Маунт ўз жамоасини кучайтиришига ишонч билдирмоқда ва клуб хўжайинлари керакли маблағни беришга тайёр.
Мэйсон Маунт 2015 йилдан бери Лондон клубида тўп суради. Ярим ҳимоячи жорий мавсумда барча турнирларда 32 та ўйинда майдонга тушиб, 3 та гол урди ва 4 та голли узатмани амалга оширди.
