"Милан" бош мураббийи Стефано Пиоли жамоанинг Чемпионлар лигаси истиқболлари ҳақида ўз фикрларини билдириб ўтди.
8 март куни “россонерилар” турнирнинг 1/8 финали доирасида “Тоттенхэм” билан жавоб учрашувини Лондонда ўтказади. Италия жамоасининг уй учрашуви 1:0 ҳисобидаги ғалаба билан якунланганди.
“Милан” анъанавий тарзда Чемпионлар лигасида муваффақият қозонган, агар клуб тарихига назар ташласангиз. Биз ҳали Европадаги аввалги мавқеимизни тиклаганимиз йўқ ва эртага бу томон қадам ташлашимиз мумкин. Бу осон бўлмайди, лекин биз буни мумкинлигини биламиз. Биз тарих яратишга ҳаракат қиламиз”, - деди мутахассис ўйинолди матбуот анжуманида.
