Ҳуқуқлари Лондоннинг “Арсенал” клубига тегишли бўлган ҳимоячи Киран Тирни Англия Премьер-лигасини Италия чемпионатига ўзгартириши мумкин, бу ҳақда инсайдер Руди Галетти ижтимоий тармоқлар орқали маълум қилди.
Журналистга маълум бўлишича, 25 ёшли шотландиялик футболчининг трансферига Туриннинг "Ювентус" клуби қизиқмоқда. "Кекса синьора" ёзги мавсум оралиғида келишувга эришишга ҳаракат қилади.
Тирнининг "канонирлар" билан шартномаси 2026 йилнинг ўрталарига қадар тузилган. Transfermarkt портали футболчининг нархини 30 миллион еврога баҳоламоқда.
Киран жорий мавсумда Премьер-лигада 17 та ўйинда майдонга тушди.
