"Бетис" бош мураббийи Мануэл Пеллегрини "Манчестер Сити" клуби трансферларга кўп маблағ сарфлаётгани сабабли билдирилаётган танқидлар ҳақида ўз фикри билан ўртоқлашди.
"Сити"ни танқид қилиш ҳар доим адолатсиз бўлиб келган, чунки "Челси", "Манчестер Юнайтед", "Ливерпуль" ва "Арсенал"нинг харидларига қарасак, биз харажатларда унчалик катта фарқни сезмаймиз", - дея Пеллегрини сўзларини келтиради Daily Mail.
Мутахассиснинг қўшимча қилишича, албатта, маблағларни назорат қилиш зарур, лекин қанча кўп пул тушса, чемпионат шунчалик қизиқарли бўлади.
"Манчестер Сити" 26 турдан кейин 58 очко билан АПЛда иккинчи ўринда бормоқда.
