"Бетис" президенти Анхель Харо "Реал", "Севилья" ва "Малага" клубларининг собиқ ярим ҳимоячиси Иско Андалусия клубига ўз хизматларини таклиф қилганини айтди.
Эслатиб ўтамиз, айни дамда 30 ёшли футболчи эркин агент мақомида.
“У яхши футболчи. Одатда бошқа футболчилар таклиф қилганидек, у ўзини таклиф қилди. Аммо бизда ҳозирда ажойиб таркиб бор", - деди Харо.
Жорий мавсумда Иско "Севилья" таркибида 19 та ўйинда майдонга тушиб, 1 та гол ва 3 та голли узатмани амалга оширди. 2013 йилдан 2022 йилгача испаниялик 5 марта Чемпионлар лигасида ғолиб чиққан "Реал Мадрид" шарафини ҳимоя қилди.