"Betis" prezidenti Anxel Xaro "Real", "Sevilya" va "Malaga" klublarining sobiq yarim himoyachisi Isko Andalusiya klubiga o‘z xizmatlarini taklif qilganini aytdi.
Eslatib o‘tamiz, ayni damda 30 yoshli futbolchi erkin agent maqomida.
“U yaxshi futbolchi. Odatda boshqa futbolchilar taklif qilganidek, u o‘zini taklif qildi. Ammo bizda hozirda ajoyib tarkib bor", - dedi Xaro.
Joriy mavsumda Isko "Sevilya" tarkibida 19 ta o‘yinda maydonga tushib, 1 ta gol va 3 ta golli uzatmani amalga oshirdi. 2013 yildan 2022 yilgacha ispaniyalik 5 marta Chempionlar ligasida g‘olib chiqqan "Real Madrid" sharafini himoya qildi.