Аргентина терма жамоаси ҳужумчиси Хулиан Альварес 2022 йилда Қатарда бўлиб ўтган жаҳон чемпионати ярим финалида (3:0) Хорватия терма жамоаси дарвозасига урган иккинчи голи ҳақида гапириб, голнинг 90 фоизини Лионель Месси қилганини таъкидлади.

“Бу голнинг 90 фоизи Месси томонидан, атиги 10 фоизи мен томонидан амалга оширилди. Мен шунчаки тўпни дарвозага киритишим керак эди. Мессининг ўйнаш усули ақл бовар қилмас эди. Жарима майдончасига киришим билан тўпнинг ўзимга келишини кутдим. У голининг 90 фоиз ишини қилди, мен уни қучоқлашим керак эди. У голни жарима майдони ташқарисида нишонлаётган эди, мен ҳам у ерга югурдим, чунки бу гол унга тегишли эди", — дея Альварес сўзларини келтиради Tyc Sport.