Франциянинг ўтмишдаги собиқ футболчиси Тьерри Анри Килиан Мбаппенинг келажаги ҳақида ўз фикрлари билан ўртоқлашди.
Эслатиб ўтамиз, "ПСЖ" Чемпионлар лигасидан 1/8 финал босқичидаёқ "Бавария"га ютқазиб қўйди (умумий ҳисоб - 0:3).
"Менимча, "ПСЖ"га Килиан Мбаппени сақлаб қолиш қийин бўлади. Аммо, эҳтимол, улар уни сақлаб қолмаслиги керак" - деди Анри CBS Sports билан суҳбатда.
Анрининг фикрича, "ПСЖ" трансфер стратегиясини ўзгартириш ҳақида ўйлаши ва юлдузларга эмас, балки ўзининг ёш шогирдларига қараши керак.
"ПСЖ" навбатдаги ўйинни 11 март куни – Франция чемпионати доирасида сафарда "Брест" жамоасига қарши ўтказади.
