"Фулхэм" вингери Виллианга Бразилиянинг "Сан-Паулу" клуби қизиқмоқда.
34 ёшли футболчининг келажаги ноаниқлигича қолмоқда, чунки унинг амалдаги шартномаси мавсум охирида якунига етади. "Сан-Паулу" вазиятни кузатиб бормоқда ва Виллианни ўз ватанига қайтаришни режалаштирмоқда, дейди инсайдер Экрем Конур.
Шу билан бирга, футболчининг ўзи ҳам ҳозирча кетиш ниятида эмас. У "Фулхэм"даги ҳолатидан қониқиш ҳосил қилади ва шартномани узайтиришни афзал кўради.
Виллиан Англия Премьер-лигасининг жорий мавсумида 19 та ўйинда майдонга тушиб, 3 та гол ва 3 та голли узатмага муаллифлик қилган.
