"ПСЖ" жорий мавсум якунланганидан сўнг бир қатор футболчилари билан хайрлашишни кутмоқда.
Кристоф Галтье жамоаси Чемпионлар лигасининг 1/8 финал босқичидан ўта олмади ва “Бавария”га умумий ҳисобда 0:3 ҳисобида имкониятни бой берди.
Франция ОАВларининг ёзишича, Европа майдонларидаги омадсизлик нафақат мураббийга, балки айрим футболчиларга ҳам қимматга тушиши мумкин: "ПСЖ" чап қанот ҳимоячиси Хуан Бернат ва ярим ҳимоячи Карлос Солерни трансферлар рўйхатига киритишни режалаштирмоқда.
Қолаверса, клуб 20 ёшли ҳужумчи Уго Экитикега мавсум якунида қизиқиш бўлса, уни сотиш имкониятини кўриб чиқишга тайёр.
