"PSJ" joriy mavsum yakunlanganidan so‘ng bir qator futbolchilari bilan xayrlashishni kutmoqda.
Kristof Galtye jamoasi Chempionlar ligasining 1/8 final bosqichidan o‘ta olmadi va “Bavariya”ga umumiy hisobda 0:3 hisobida imkoniyatni boy berdi.
Fransiya OAVlarining yozishicha, Yevropa maydonlaridagi omadsizlik nafaqat murabbiyga, balki ayrim futbolchilarga ham qimmatga tushishi mumkin: "PSJ" chap qanot himoyachisi Xuan Bernat va yarim himoyachi Karlos Solerni transferlar ro‘yxatiga kiritishni rejalashtirmoqda.
Qolaversa, klub 20 yoshli hujumchi Ugo Ekitikega mavsum yakunida qiziqish bo‘lsa, uni sotish imkoniyatini ko‘rib chiqishga tayyor.