"Манчестер Юнайтед" марказий ҳимоячиси Харри Магуайрга "ПСЖ" қизиқиш билдирмоқда.
30 ёшли футболчи бу мавсумда жуда кам ўйин амалиётига эга бўлмоқда ва "қизил иблислар" бу ёзда сардори билан хайрлашишга тайёр. The Sun хабарига кўра, ёзги трансфер ойнасида ҳимоя чизиғини кучайтиришни режалаштирган "ПСЖ" Магуайрни сотиб олишга тайёр. Парижликлар раҳбарияти англиялик учун тахминан 57 миллион евро таклиф қилиши мумкин. Қайд этилишича, француз гиганти январь ойида ҳам футболчи учун худди шундай сумма таклиф қилган, бироқ келишув амалга ошмай қолганди.
Магуайр жорий мавсумда “Манчестер Юнайтед” сафида 21 та ўйинда майдонга тушди. Унинг трансфер қиймати, Transfermarkt экспертларининг фикрича, 30 миллион евро.
