"Manchester Yunayted" markaziy himoyachisi Xarri Maguayrga "PSJ" qiziqish bildirmoqda.
30 yoshli futbolchi bu mavsumda juda kam o‘yin amaliyotiga ega bo‘lmoqda va "qizil iblislar" bu yozda sardori bilan xayrlashishga tayyor. The Sun xabariga ko‘ra, yozgi transfer oynasida himoya chizig‘ini kuchaytirishni rejalashtirgan "PSJ" Maguayrni sotib olishga tayyor. Parijliklar rahbariyati angliyalik uchun taxminan 57 million yevro taklif qilishi mumkin. Qayd etilishicha, fransuz giganti yanvar oyida ham futbolchi uchun xuddi shunday summa taklif qilgan, biroq kelishuv amalga oshmay qolgandi.
Maguayr joriy mavsumda “Manchester Yunayted” safida 21 ta o‘yinda maydonga tushdi. Uning transfer qiymati, Transfermarkt ekspertlarining fikricha, 30 million yevro.