«Ювентус» вингери Анхель ди Мария жамоасининг мавсумдаги мақсадлари ҳақида гапирди.
Аргентиналик футболчининг голи «бьянконерилар»га Туринда бўлиб ўтган Европа лигаси 1/8 финалининг илк ўйинида Германиянинг «Фрайбург» клуби устидан минимал ҳисобда ғалабани таъминлади.
«Бугун гол уриб, жамоага ёрдам берганимдан хурсандман. Мавсум охиригача худди шундай руҳда давом этаман деган умиддаман.
Биз Европа лигасида ғалаба қозониш учун қўлимиздан келганини қиламиз – бу Италия кубоги билан бир қаторда асосий мақсадларимиздан бири.
Иккала турнирда ҳам ғалаба қозонишга ҳаракат қиламиз», деди 35 ёшли футболчи Sky Sport нашрига ўйиндан кейин берган интервьюсида.
«Фрайбург» ва «Ювентус» ўртасидаги жавоб учрашуви 16 март куни Германияда бўлиб ўтади.
