Бу ҳақда клуб Лигага ўтган йилнинг декабр ойида маълум қилганди. Ўшанда “Андижон-SGS” жамоасининг Про лигада иштирок этиши масаласи Лига Ижроқўми томонидан кўриб чиқилмаганди.

Кеча — 9-март куни халқаро турнир учун қуръа ташланди. Унга кўра, “Андижон-SGS” мусобақанинг Н гуруҳида Каталониянинг “Спортинг Бадалона”, “Воспак”, АҚШнинг “Куинз Сити” жамоаларига қарши кураш олиб борадиган бўлди.

Қайд этиш керак, ташкилотчилар 9 та ёш тоифасида мусобақа ташкил этмоқда. Андижон жамоаси эса унинг 18 ёшгача бўлган футболчилар иштирокидаги турнирида қатнашади. Худди ёш тоифасида “Севилья”, “Марсель”, “Реал Сосьедад”, “Бетис” каби машҳур жамоалар ёшлари ҳам иштирок этмоқда.

Андижонлик футболчилар 3 апрел куни Каталонияга жўнаб кетади. Шундан келиб чиқиб, Лига “Андижон-SGS” жамоасининг Ўзбекистон кубоги гуруҳ босқичидаги илк учрашувини 2 апрел санасига белгилаган. Унинг Про лига доирасидаги Самарқанднинг “Динамо” жамоасига қарши ўйини эса бошқа санада бўлиб ўтади.