Ёзги трансфер ойнасида «Бавария» ҳужум чизиғини кучайтирмоқчи. Мюнхен клубининг эътиборида «Челси» ҳужумчиси Кай Хаверц бўлиб турибди. У сўнгги йилларда ўзининг ёмон ўйинлари учун мунтазам равишда танқид қилинмоқда.

The Telegraph хабарига кўра, Кай Ҳаверцнинг «Челси»дан «Бавария»га ўтиши 60 миллион еврога тушиши мумкин.

Қайд этилишича, Лондон клуби бундай пул эвазига 23 ёшли футболчи билан хайрлашишга тайёр.

Ҳаммаси бўлиб Кай Хаверц «Челси» сафида 125 та ўйинда майдонга тушди. Уларда германиялик ҳужумчи 30 та гол урди ва шерикларига 15 та голли узатма берди.