«Манчестер Юнайтед» бош мураббийи Эрик тен Хаг Европа лигаси доирасидаги «Бетис»га қарши ўйинда (4:1) дарвозабон Давид де Хеанинг ишончсиз ўйини ҳақида гапирди.
«Унинг бу ўйиндаги ҳаракатларини эътиборсиз қолдира олмайман. Кўп ўйинларда де Хеа ўзини жуда яхши кўрсатди.
Бу сафар нима бўлганини билмайман. Балки шамол ёки бошқа нарса халақит бергандир. Эҳтимол, у қандайдир муаммоларга дуч келган.
Биз барчасини ҳал қиламиз, у якшанба куни яхшироқ ўйнашига ишонаман. Ишончим комилки, Давид яхшиланишда давом этади», деди тен Хаг журналистларга.
«Манчестер Юнайтед» АПЛдаги навбатдаги ўйинини 12 март куни «Саутгемптон»га қарши ўтказади.
