Ўтган ёзда "ПСЖ" бош мураббийлигига тайинланган Кристоф Галтье жамоанинг асосий муаммосини еча олмади. Парижликлар Европа чемпионлар лигаси 1/8 финалида "Бавария"га умумий ҳисобда 3:0 ҳисобида имкониятни бой бериб, турнирдан чиқиб кетишди. Шундан сўнг француз гранди раҳбарияти яна бош мураббийни алмаштириш вариантини олдинга суришмоқда ва бу ёзда амалга ошиши мумкин.
Агар Галтье ёзда истеъфога чиқариладиган бўлса, "ПСЖ" яна Зинедин Зидан вариантига қайтиши мумкин. Авваллари ҳам Зиданнинг йўлини "ПСЖ" билан кўп марта боғлашган, бироқ бу сафар барчаси жиддий. Лекин, ҳозирча Зидан қандай фикрда экани ва у бу ишга рози бўладими ёки йўқми, номаълум.
Зиданнинг ПСЖ бош мураббийи бўлишининг сабаблари
"ПСЖ" мухлислари оптимизмининг асосий сабаби Зиданнинг Франция терма жамоасида бўш ўрин кутаётгани, аммо Дидье Дешам шартномасини 2026 йилгача узайтирганидир.
Бу Зиданнинг мураббийликка қайтиши мумкин бўлган бир йўлни истисно қилади, шу билан бирга у ҳозир "Реал Мадрид"га қайтиши даргумон, гарчи "Сантьяго Бернабеу" ҳар доим унинг уйи бўлиб қолса-да.
Италияда унинг "Ювентус" бошқарувини қўлга олиш имконияти бор, аммо ҳозир Турин клубига ўтиш учун идеал вақт эмас.
Тил муаммоси сабаб Зиданнинг Англия ёки Германияга кетиши ғояси реал эмас.
Буларнинг барчаси 50 ёшли мураббий учун "ПСЖ"ни янада жозибадор вариантга айлантиради. Марселда туғилган бўлса ҳам, бу ЗиЗу учун тўсиқ ҳисобланмайди.
"Ҳеч қачон ҳеч қачон деманг", деди у L'Equipe газетасига берган интервьюсига.
