"Манчестер Юнайтед" "Рома" ҳужумчиси Пауло Дибалани қўлга киритиш учун асосий даъвогар бўлиб турибди.
Аргентиналик футболчининг амалдаги шартномасида кўрсатилган товон пули суммаси бор-йўғи 12,5 миллион еврони ташкил қилади. Ҳозирдан бир нечта клублар ушбу бандни фаоллаштириш имкониятларини ўрганиб чиқишмоқда, бироқ ҳозирда “Манчестер Юнайтед” 29 ёшли футболчи учун курашда фаворит ҳисобланади, деб хабар беради GOAL. Аввалроқ, "Рома" ҳужумчининг маошини ошириш эвазига шартномадаги бандни олиб ташлаши мумкинлиги ҳақида хабар берилганди.
Transfermarkt экспертлари Пауло Дибаланинг нархини 30 миллион еврога баҳоламоқда. Жорий мавсумда у 26 учрашувда 12 гол ва 8 голга ассистентлик қилган.