"Manchester Yunayted" "Roma" hujumchisi Paulo Dibalani qo‘lga kiritish uchun asosiy da’vogar bo‘lib turibdi.
Argentinalik futbolchining amaldagi shartnomasida ko‘rsatilgan tovon puli summasi bor-yo‘g‘i 12,5 million yevroni tashkil qiladi. Hozirdan bir nechta klublar ushbu bandni faollashtirish imkoniyatlarini o‘rganib chiqishmoqda, biroq hozirda “Manchester Yunayted” 29 yoshli futbolchi uchun kurashda favorit hisoblanadi, deb xabar beradi GOAL. Avvalroq, "Roma" hujumchining maoshini oshirish evaziga shartnomadagi bandni olib tashlashi mumkinligi haqida xabar berilgandi.
Transfermarkt ekspertlari Paulo Dibalaning narxini 30 million yevroga baholamoqda. Joriy mavsumda u 26 uchrashuvda 12 gol va 8 golga assistentlik qilgan.