Бельгия терма жамоаси ва "Манчестер Сити"нинг собиқ футболчиси, ҳозирда "Бёрнли" бош мураббийи лавозимини эгаллаб турган Венсан Компани "шаҳарликлар" сафидаги эҳтимолий иш ҳақида гапирди.
"Бу жамоани дунёнинг энг яхши мураббийи бошқариши керак ва бу мен эмаслигим аниқ. Ҳозирда "Манчестер Сити"да шундай мутахассис бор. Умид қиламанки, Гвардиола яна ўн йил клубда қолади. Агар шундай бўлмаса, уларга Хосепдан кейин дунёнинг энг яхши мураббийи керак бўлади. Менга келсак, мен бу рейтингда охирги ўриндаман", — деди Компани Goal.com порталига.
Гвардиола 2016 йилнинг июлидан бери "Манчестер Сити"ни бошқариб келмоқда. Унинг клуб билан амалдаги шартномаси 2024/2025-йилги мавсум охирида якунига етади.
