Менхенгладбахнинг "Боруссия" клуби ярим ҳимоячиси Каудио Коне "ПСЖ" томонидан бўлган қизиқиш ҳақида фикр билдирди ва у клубни буюк футболчилар билан бирга ривожланиш учун ажойиб имконият деб билишини айтди.
"ПСЖ" қизиқяпти? Бу завқ бағишлайди. Мен парижликман. Бу Чемпионлар лигасида ўйнайдиган ажойиб клуб. Ҳақиқатан ҳам зўр ўйинчилар ўйнайдиган клуб, унинг ёнида сиз фақат олдинга силжишингиз мумкин. Келинг, нима бўлишини кўрамиз, мен профессионал бўлишим керак", - деди Коне Telefoot билан суҳбатда.
21 ёшли Коне жорий мавсумда "Боруссия" сафида барча турнирлар доирасида 23 та ўйинда майдонга тушиб, 1 та гол ва битта голли узатмани амалга оширди. Аввалроқ, Франция ОАВлари унга "ПСЖ" томонидан қизиқиш билдирилаётгани ҳақида хабарлар тарқалганди.
