«Бавария» бош мураббийи Юлиан Нагельсманн ҳимоячи Жоау Канселу нима учун кетма-кет учта ўйиндан бери асосий таркибга кирмаганини тушунтирди.

Эслатиб ўтамиз, кеча «Аугсбург» билан ўйинда португалиялик футболчи базага қайтган ва «Бавария» сафида дебют голини урган эди.

«Мен Канселу нима учун сўнгги ўйинларда майдонга тушмаганини тушунтирдим. Ҳаммаси жуда оддий – учта марказий ҳимоячи билан ўйнадик.

Жоау на қанот ҳимоячиси, на марказий ҳимоячи сифатида бу таркибда ўйнашга ярамайди», - деди Нагельсманн «Аугсбург»га қарши ўйиндан кейинги матбуот анжуманида.

Эслатиб ўтамиз, Канселу «Бавария»га «Манчестер Сити»дан ижара асосида ўтган эди.