Куни кеча маълум бўлишича, прокуратура "Барселона" ҳакамлар техник қўмитаси вице-президенти лавозимида ишлаган Хосе Мария Негрейрега клуб томонидан тўланган пуллар туфайли устидан шикоят қилган. Каталония клуби коррупцияда, яъни жамоа учун фойдали ҳакамлик қарорларини таъминлашга уринишда гумон қилинмоқда.
Marca нашри журналистлари шикоят матни билан танишишга муваффақ бўлишди. Маълум бўлишича, прокуратура ҳеч қандай далил келтирмаяпти.
“Шикоятларнинг бирортасида ҳам ҳакамлар сотиб олингани ҳақида ҳеч қандай далил ёки ишора йўқ. Ҳозирча фақат тахминлар бор”, - дейди адвокат Фелипе Искьердо.
Айни вақтда “Барселона” Испания чемпионати пешқадами бўлиб турибди.
