Ҳужумчи Эдин Жеко "Интер"ни тарк этиб МЛС клубига ўтиши мумкин. Хабарларга кўра, "Интер Майами" босниялик футболчини ўз сафига қўшиб олмоқчи.
36 ёшли Жеконинг "Интер" билан амалдаги шартномаси шу мавсум охиригача мўлжалланган. Шу тариқа, ёзда босниялик футболчи эркин агент мақомига эга бўлиши мумкин.
2022/2023 йилги мавсумда Эдин “Интер” сафида 36 та ўйинда майдонга тушди. Уларда ҳужумчи 11 та гол урди ва 5 та голли узатмани ҳамкорларига тақдим этди.
Қўшимча қиламизки, "Интер" айни дамда Италия А серияси турнир жадвалида иккинчи ўринда бормоқда.