Hujumchi Edin Jeko "Inter"ni tark etib MLS klubiga o‘tishi mumkin. Xabarlarga ko‘ra, "Inter Mayami" bosniyalik futbolchini o‘z safiga qo‘shib olmoqchi.
36 yoshli Jekoning "Inter" bilan amaldagi shartnomasi shu mavsum oxirigacha mo‘ljallangan. Shu tariqa, yozda bosniyalik futbolchi erkin agent maqomiga ega bo‘lishi mumkin.
2022/2023 yilgi mavsumda Edin “Inter” safida 36 ta o‘yinda maydonga tushdi. Ularda hujumchi 11 ta gol urdi va 5 ta golli uzatmani hamkorlariga taqdim etdi.
Qo‘shimcha qilamizki, "Inter" ayni damda Italiya A seriyasi turnir jadvalida ikkinchi o‘rinda bormoqda.