Англия Премьер-лигаси йигирма еттинчи туридан ўрин олган ўйинда "Ньюкасл" "Вулверхэмптон" устидан кичик 1:0 ҳисобида ғалаба қозонди. "Ҳаккалар" сардори Киран Триппьер ўйин натижасидан жуда мамнун, унга айниқса биринчи гол муаллифи - Александр Исакнинг ҳаракатлари ёқди.
"Бундай ғалабани қўлга киритиш жуда ёқимли. Сўнгги бир неча ҳафта осон бўлмади. Ва биз ғалаба қозониш кераклигини тушундик. Яхшиямки, бизда Исак бор, у бу сафар ақл бовар қилмайдиган даражада ҳаракат қилди", - дея Триппьернинг сўзларидан иқтибос келтирган Sky Sports.
АПЛнинг навбатдаги турида “Ньюкасл” 17 март куни меҳмонда “Ноттингем Форест” билан баҳс олиб боради.
