"Фиорентина" ярим ҳимоячиси Софьян Амрабат Англия Премьер-лигаси клублари томонидан бўлаётган қизиқишларга қарамай, Испания чемпионатига ўтишни афзал кўрмоқда. Бу ҳақда журналист Фабрицио Романо ижтимоий тармоқларда хабар берди.

Марокашлик футболчининг хизматларига ҳозирча жиддий қизиқиш билдираётган ягона клуб бу молиявий қийинчиликларни бошидан кечираётган каталониялик "Барселона"дир. Шу сабабли, "кўк-анорранглилар" ярим ҳимоячи трансферини амалга ошириши даргумон.

Амрабат Қатардаги жаҳон чемпионатининг асосий кашфиётларидан бирига айланди. Футболчи Марокаш терма жамоасининг ярим финалга чиқишига ва бундай муваффақият билан Африканинг биринчи жамоасига айланишига ёрдам берди.