Франциялик ярим ҳимоячи Поль Погба яна жароҳат олди ва яна Туриннинг "Ювентус" клубининг касалхонасига тушди.

Инсайдер Фабиана делла Валленинг ижтимоий тармоқлардаги хабарига кўра, жароҳати сабаб ярим ҳимоячи тахминан бир ой майдонга туша олмайди.

"Кекса синьора" раҳбарияти ярим ҳимоячининг жароҳатланиш даражаси юқорилигидан ниҳоятда норози ва унинг трансферидан аста-секин ҳафсаласи пир бўлмоқда. Мавсум охирида "Ювентус" Погбанинг келажаги ҳақида гаплашади. Франциялик футболчи туринликлар сафини тарк этиши мумкин.

Поль 2022 йилнинг ёзида "Ювентус"га "Манчестер Юнайтед"дан қайтганди. Жароҳатлари туфайли туринликлар сафида атиги иккита ўйинда қатнашган.