"Реал"нинг жорий мавсуми кўтарилиш ва пасайишларга бой бўлди.
"Қаймоқранглилар"нинг Испания чемпиони бўлиш имконияти паст, энди улар бор эътиборларини яна Чемпионлар лигаси кубогини қўлга киритиш вазифасига қаратишган.
Бироқ қитъанинг энг кучли клуб турниридаги натижа Карло Анчелотти келажагини белгилаб қўймайди.
TodoFichajes нашри хабарига кўра, италиялик мутахассис ушбу мавсум охирида жамоанинг ўйинидан қатъи назар, "Реал"ни тарк этади.
Қайд этилишича, Карло Анчелотти фаолиятини якунламоқчи. У фақат терма жамоа билан ишлаш таклифини қабул қилишга тайёр бўлади. Италиялик мураббийни Бразилия терма жамоаси билан боғлашмоқда, бироқ Анчелотти таклифни қабул қилишига ишора бергани йўқ.