Суперлиганинг 2-туридан ўрин олган ОКМК – “Бунёдкор” (2:3) учрашувидан сўнг тошкентликлар бош мураббийи Мурод Отажонов ўз фикрларини билдириб ўтди.

“ОКМК ОЧЛда иштирок этадиган жамоа. Таркибида терма жамоага номзод, тажрибали футболчилар тўп тепади. Баҳс яхши ўтди, кутилмаган воқеликларга бой бўлди. Жамоамиздаги ёш футболчиларнинг келажаги порлоқ. Баҳс сўнггида Султоновни майдонга туширдик ва у учинчи голда ассистни ўз ҳисобига ёзиб қўйди. Ўтган турда эса захирадан тушиб, гол киритган эди. Ёшларга имконият беришда давом этамиз.

Султонов 90 дақиқа ўйнашга тайёр эмас. Шу сабаб уни захирадан майдонга туширяпмиз. Балки тўғри қилаётгандирмиз, балк йўқ. У бизнинг “сеҳрли қуролимиз”.

Барча мураббийлар билан маслаҳатлашиб иш кўрамиз. Юрий Саркисяннинг фикрлари билан ҳам қизиқамиз. Натижаларга эса бош мураббий сифатида мен жавоб бераман”, – деди Отажонов.