Superliganing 2-turidan o‘rin olgan OKMK – “Bunyodkor” (2:3) uchrashuvidan so‘ng toshkentliklar bosh murabbiyi Murod Otajonov o‘z fikrlarini bildirib o‘tdi.
“OKMK OCHLda ishtirok etadigan jamoa. Tarkibida terma jamoaga nomzod, tajribali futbolchilar to‘p tepadi. Bahs yaxshi o‘tdi, kutilmagan voqeliklarga boy bo‘ldi. Jamoamizdagi yosh futbolchilarning kelajagi porloq. Bahs so‘nggida Sultonovni maydonga tushirdik va u uchinchi golda assistni o‘z hisobiga yozib qo‘ydi. O‘tgan turda esa zaxiradan tushib, gol kiritgan edi. Yoshlarga imkoniyat berishda davom etamiz.
Sultonov 90 daqiqa o‘ynashga tayyor emas. Shu sabab uni zaxiradan maydonga tushiryapmiz. Balki to‘g‘ri qilayotgandirmiz, balk yo‘q. U bizning “sehrli qurolimiz”.
Barcha murabbiylar bilan maslahatlashib ish ko‘ramiz. Yuriy Sarkisyanning fikrlari bilan ham qiziqamiz. Natijalarga esa bosh murabbiy sifatida men javob beraman”, – dedi Otajonov.
