«Салернитана» дарвозабони Гильермо Очоа «Милан»га қарши ўйиндан сўнг журналистлар билан суҳбатлашди.
37 ёшли мексикалик Италиянинг амалдаги чемпионига қарши баҳсда жамоасига дуранг ўйнашга ёрдам берди.
«Милан» билан ўйнаганингизда, кўп азоб чекишга тўғри келади ва бугун биз муносиб натижага эриша олдик. «Сан-Сиро»да дуранг натижа яхши.
Менга Италия ёқади, бу ерда қолишни истардим. Энди мен «Салернитана»га А Сериядаги ўрнини сақлаб қолиш учун ҳамма нарсани қилишга ҳаракат қиламан.
Кейинги жаҳон чемпионатига боришни истайман. Мен олтита жаҳон чемпионатида ўйнаб, тарихга киришни хоҳлайман», деди Очоа.
