«Salernitana» darvozaboni Gilyermo Ochoa «Milan»ga qarshi o‘yindan so‘ng jurnalistlar bilan suhbatlashdi.
37 yoshli meksikalik Italiyaning amaldagi chempioniga qarshi bahsda jamoasiga durang o‘ynashga yordam berdi.
«Milan» bilan o‘ynaganingizda, ko‘p azob chekishga to‘g‘ri keladi va bugun biz munosib natijaga erisha oldik. «San-Siro»da durang natija yaxshi.
Menga Italiya yoqadi, bu yerda qolishni istardim. Endi men «Salernitana»ga A Seriyadagi o‘rnini saqlab qolish uchun hamma narsani qilishga harakat qilaman.
Keyingi jahon chempionatiga borishni istayman. Men oltita jahon chempionatida o‘ynab, tarixga kirishni xohlayman», dedi Ochoa.
