«Тоттенхэм», «Вест Хэм» ва Англия терма жамоасининг собиқ ҳужумчиси Жермейн Дефо инглиз футболидаги мураббийларнинг атиги 4,4 фоизи қора танлилар эканлиги ҳақида гапирди.

«Баъзида мен бу ҳақда гапиришдан ўзимни жуда ҳам ноқулай ҳис қиламан. Ростини айтсам, бу рақамлар ҳайратланарли.

Мураббийлик лицензиямни йўқотиб, кейин мураббийлик қила олмай қолмоқчи эмасман. Бу маъносиз туйғулар. Оммавий ахборот воситаларига бу ҳақда айтиб, тенгликни яратишга умид қиламан.

Йиллар давомида кўплаб ажойиб номлар, Премьер-лига афсоналари пайдо бўлди, улар катта турнирларда ўйнаган, лекин ҳеч қачон мураббий бўлиш имкониятга эга бўлмаган, бу нотўғри», — деди Дефо.