Карим Бензема 15 март куни Чемпионлар лигаси доирасида «Ливерпул»га қарши ўйнашга тайёр.

Форвард 11 март куни Ла Лига доирасидаги «Эспаньол»га қарши ўйинда (3:1) тўпиғидаги оғриқ туфайли майдонга туша олмади.

«Чоршанба куни Бензема 100% тайёр бўлади. Якшанба куни у умумий гуруҳда ишлади ва бундан олдин у индивидуал равишда яхши машғулотлар ўтказди. У тўлиқ тайёр ва ҳаддан ташқари кўп мотивацияга эга.

Карим ва клуб учун бу жуда муҳим турнир. Ҳаммаси жуда оддий. Биз имкон қадар яхши ўйнашимиз, худди биринчи ўйинга тайёргарлик кўргандек ёндашишимиз зарур.

Биз ғалаба қозонишга ҳаракат қилишимиз керак. Бу ўйинга ортиқча устунлик билан тайёргарлик кўрмаяпмиз.

Ҳеч қандай ҳисоб-китоб қилишнинг ҳожати йўқ», - деди «Реал» бош мураббийи Карло Анчелотти.