«Реал» бош мураббийи Карло Анчелотти «Наполи» ярим ҳимоячиси Хвича Кварацхелия ҳақида ўз фикрларини билдириб ўтди. Мутахассис бунгача неаполликлар клубини бошқарган.
«Кварацхелия ажойиб футболчи. У Виктор Осимхен билан ажойиб алоқага эга, улар жуда самарали ўйнашади.
Италия жамоалари Чемпионлар лигасида яхши ўйин кўрсатмоқда. Италиянинг учта клуби чорак финалга чиқиши мумкин, бу Европа учун жуда жиддий сигнал бўлади», - дея Анчелоттидан иқтибос келтиради Sky Sport Italia.
Жорий мавсумда Кварацхелия «Наполи» сафида барча турнирлар доирасида 28 та ўйинда 13 та гол урди ва 15 та голли узатмани амалга оширди.
