"Манчестер Сити" бош мураббийи Хосеп Гвардиола "Брайтон" бош мураббийи Роберто де Дзербини мақтади
"Премьер-лигада италиялик мураббий бор - Роберто де Дзерби. У инглиз футболида кўп нарсани ўзгартиради. Одамлар Премьер-лигада ҳимояда ўйнай олмаслигингизни айтишди, лекин у буни уддалайди ва у ажойиб тарзда жамоасини майдонга олиб тушади", - дея Гвардиоланинг сўзларини келтиради Фабрицио Романо.
43 ёшли италиялик мутахассис ўтган йилнинг сентябрида “Брайтон”ни қабул қилиб олганди. Ўшандан бери “чағалайлар” 11 марта ғалаба қозониб, 5 марта дуранг ўйнаган ва 7 учрашувда мағлуб бўлган. "Брайтон" Премьер-лигада 24 ўйиндан кейин 7-ўринни эгаллаб турибди.
