«Наполи»нинг ҳужум чизиғи етакчиси Виктор Осимхен жамоасининг Чемпионлар лигаси чорак финалигача бўлган йўли ҳақида фикр билдирди.

1/8 финал жавоб ўйинида неаполликлар «Айнтрахт»ни йирик 3:0 ҳисобида мағлуб этишди.

«Биз муваффақиятларимиздан завқ олишни истаймиз. Бу ажойиб ғалаба бўлди. Биз «Наполи» тарихини қайта ёзяпмиз.

Бу жамоада ҳозир чегара йўқ. Орзуларимизга эргашишда давом этамиз. Бош мураббийимизни диққат билан тинглаймиз ва келажакка некбинлик билан қараймиз», - дея нигериялик ҳужумчининг сўзларини келтиради УЕФА матбуот хизмати.